Shumë po humbin para nga Covid 19, e në këtë listë bën pjesë dhe ylli I kinemasë, Robert de Niro. Aktri I famshëm hollivudian rrëfeu se pandemia i ka dhënë një goditje të fortë zinxhirit të restoranteve të tij Nobu dhe hotelit Greenwixh, të cilët prej muajsh janë mbyllur pjesërisht. Në prill, Nobu humbi tre milionë dollarë e në maj, edhe 1.87 milionë të tjera duke e detyruar de Niron të merrte hua sepse nuk kishte likuiditetin e nevojshëm për të paguar një grup investitorësh. Nga ana tjetër dhe ish bashkëshortja e tij, Grace Hightower, me të cilën aktori ka qenë i martuar për 11 vjet deri kur nisën procedurat e divorcit në 2018-tën, u ankua në gjykatë se ylli hollivudian I kishte reduktuar shumën e parave që duhet t`I paguajë. Avokatja e de Niros e mbrojti klientin e saj duke shpjeguar problemet e tij financiare, e tha gjithashtu se pakti mes ish bashkëshortëve ishte që de Niro t`I paguajë Hightower një milionë e gjysëm dollarë kur të ardhurat e tij kapërcejnë 15 milionë dollarët ne vit. Cështja sipas avokates është se tani që të ardhurat e tij kanë rënë, atëherë edhe kontributet mujore për ish gruan, do të zvogelohen.