Në harkun kohor të dy viteve, popullsia e Shqipërisë është tkurrur me 65 mijë vetë. Shifra del nga krahasimi mes popullsisë banuese në vend përgjatë vitit 2025 me të dhënat e censit të organizuar nga INSTAT në vitin 2023. Sipas raportit të publikuara nga INSTAT, në fund të vitit të kaluar në Shqipëri banonin 2 milion e 335 mijë banorë, ndërsa censi i vitti 2023 regjistroi në vend 2 milionë e 400 mijë banorë. Te shifrat e 2025, INSTAT thotë se ndarja gjinore e popullsisë ishte pothuajse e barabartë me 50.6 për qind gra dhe 49.4 për qind burra. Shifrat tregojnë se numri i burrave ulet banues ulet me ritme më të shpejta se ai i grave, përkatësisht me 1.3 për qind dhe 1 për qind. Shtesa natyrore e popullsisë në vitin 2025 ishte pozitive, me 1.063 lindje më shumë se vdekje për gratë dhe 84 për burrat. Në vitin 2025 u regjistruan 22.541 lindje të gjalla, 769 më pak se në vitin 2024. Raporti gjinor në lindje ishte 108 djem për çdo 100 vajza të lindura. INSTAT konfirmon se shkak kryesor i vdekjes së shqiptarëve janë sëmundjes e zemrës.