Partia Demokratike ka zyrtarizur dhe emrin e kryetarit të kësaj force politike në Roskovec. Në përfundim të procesit të numërimit të votave, u shpall fitues Emels Xhaxhaj I cili grumbulloi 297 vota ose e thënë ndryshe 94% të votave . Përballë tij ishte kandidati tjetër Kevin Cjapi, I cili mori një rezultat jo të mirë, me vetëm 16 vota të anëtarëve. Procesi ishte I qetë dhe nuk u raportuan incidente, si në votim ashtu dhe në numërimin e votave. Në kuadër të Rithemelimit, zgjedhjet po zhvillohen në të gjitha degët. Dita ditës bëhen publike listat me emrat e kandidatëve, ku I gjithë procesi pritet të përfundojë më 20 prill. Kujtojmë se më parë janë zhvilluar zgjedhjet në disa degë ku votuesit zgjodhën Agron Lokën në Fushë Krujë, Leonard Rakipajn në Selenicë, Rrapi Gjikën në Fier dhe Resmi Shanaj në Mallakastër.