Drejtuesi Politik i PS në Qarkun e Tiranës, Erion Veliaj, i krahasoi protestat opozitës me djegie gomash para Bashkisë së Tiranës dhe Parlamentit me shfaqjet me zjarr të talebanëve. “Jemi në vitin 2024 dhe këta djegin ende goma. Ka edhe një parti tjetër që djeg goma, është në Kabul, quhet Taleban. Vetëm ata djegin goma se nuk dinë të artikulojnë. Pra, kur nuk di të flasësh, nuk di të shpjegosh vizionin tënd, nuk di të tregosh punët që ke bërë, detyrohesh të bësh akte të papërgjegjshme. Vetëm Rithemelimi dhe talebanët djegin goma në 2024, ndërkohë që ne aspirojmë të bëhemi vend i BE. Kjo është arsyeja pse ata duhet të dënohen me votë dhe PS duhet të shpërblehet me votë, që të vazhdojë t’i shërbejë edhe popullit, edhe të forcojë sistemin e drejtësisë, edhe të mbajë fjalën për çdo lagje”