Pjesë e edicionit të këtij viti të Eurovision do të jetë edhe Rita Ora. Këngëtarja me origjinë nga Kosova, do të jetë e ftuar speciale e festivalit më të madh të këngës në Europë. Ylli i njohur botëror do të performojë në natën e parë të Eurovisionit më 9 maj, kanë njoftuar organizatorët. Ora do të këndojë disa prej hiteve më të njohura të saj. Këtë vit, Shqipëria do të përfaqësohet nga Albina Kelmendi dhe familja e saj, me këngën “Duje”. Shqipëria do të jetë në gjysmëfinale me Armeninë, Qipron, Danimarkën, Estonin, Greqinë, Islandën, Rumaninë, Australinë, Austrinë, Gjeorgjinë, Lituaninë, Poloninë, San Marinon dhe Slloveninë. “Eurovision-i” do të mbahet më 9, 11 dhe 13 maj, në Liverpool. Mbretëria e Bashkuar, Franca, Spanja, Gjermania dhe Italia kualifikohen automatikisht në finale për shkak se paguajnë transmetuesit e tyre për të marrë pjesë. Ukraina gjithashtu do të shkojë direkt në finale si fituese e vitit 2022.