Deputetja e Partisë së Lirisë, Erisa Xhixho nëpërmjet një postimi në rrjetet sociale deklaroi se procesi i integrimit europian të Shqipërisë nuk mund të realizohet përmes propagandës, konferencave apo sloganeve, por kërkon reforma të thella ekonomike dhe institucionale. Sipas saj, integrimi në Bashkimin Europian kërkon një ekonomi të përgatitur, institucione funksionale, siguri ushqimore dhe politika konkrete mbështetëse për qytetarët dhe bizneset. Xhixho e paraqet situatën shqetësuese, duke iu referuar të sipas të cilave 15% e bizneseve shqiptare mund të përballojnë standardet e tregut europian, ndërsa pjesa tjetër rrezikon edhe falimentimin. ‘Kjo do të thotë se shumica dërrmuese e sipërmarrjes shqiptare është vetëm, pa mbështetje reale, pa skema financimi, pa subvencione dhe pa një strategji serioze për t’u përballur me konkurrencën europiane..’ – shkruan më tej deputetja e PL.