Tre ekspertë e caktuar nga Gjykata kanë rindërtuar skenën e krimit të ndodhur pak ditë para zgjedhjeve parlamentare të 2021 në Elbasan, ku mbeti i vrarë Pjerin Xhuvani. Rindërtimi i skenës së krimit me kërkesë të Gjykatës së Apelit në Elbasan zgjati dy orë. Ishte i dënuari me 22 vite burg për vrasjen e Pjerin Xhuvanit, Arbër Paplekaj, i cili i kërkoi gjykatës të caktohej këndi i qitjes edhe dy persona të tjerë që nuk janë identifikuar ende. Kjo është hera e dytë e rindërtimit të ngjarjes, ku më herët Prokuroria e Elbasanit rindërtoi ngjarjen në korrik të vitit 2022. Afati i dorëzimit të ekspertizës së realizuar nga tre ekspertët është data 9 prill, dita kur do të mbahet edhe seanca e radhës në Gjykatën e Apelit. Ekzekutimi i Xhuvanit ndodhi në datën 21 prill në Elbasan, katër ditë para zgjedhjeve parlamentare të vitit 2021. Teksa në vendngjarje aso kohë u gjetën 20 gëzhoja plumbash, 7 u identifikuan si të shkrepura nga arma e Arbër Paplekajt. Ndërkohë që nuk janë identifikuar personat që kanë shtënë 13 gëzhojat e tjera.