Nisin punimet për lagjen e re të Tiranës, e cila do të ndërtohen nga themelet për 11 mijë banorë. Në ceremoninë e nisjes së punimeve tek lagjia “5 Maji” në Tiranë që njihet dhe si zona e “Bregut të Lumit” ka qenë Kryeministri Edi Rama, kreu i Bashkisë Tiranë, Erion Veliaj dhe ministri për Rindërtimin, Arben Ahmetaj. Veliaj u shpreh se të gjithë banorët që presin që të futen në shtëpitë e reja në këtë lagje, por dhe ata që nuk janë strehuar ende do marrin çdo muaj bonusin e qirasë. “Dua të falënderoj të gjitha ata që e kanë bërë të mundur, nga Kryeministri, ministri për Rindërtimin dhe të gjithë atyre që kanë punuar për këtë lagje. Deri në momentin kur të mbarojë rindërtimi në këtë kantier ne do të paguajmë kokërr më kokërr për të gjithë ata që po banojnë me qira”. Një mesazh e pati dhe për opozitën duke u kërkuar që ta lënë të punojnë, pasi siç tha ai akuzat nuk ndihmojnë askënd. “Për të gjithë ata që nuk bënë asnjë shkollë në Tiranë u them që të na lënë të punojmë. Për ata që nuk ndërtuan asnjë shtëpi, por menduan për të shtyrë vilat e tyre u them që të na lënë të punojmë”. I pranishëm ishte edhe kryeministri Rama, që tha se ajo cfarë po bëhet nuk është thjesht përgjigje për familjet që mbetën pa sghtëpi, por edhe një reagim ndaj krizës së shkaktuar nga fatkeqësia natyrore. “Procesi i rindërtimit hyn një fazë të re, pasi po çelet kantieri i parë i madh i kryeqytetit. Këto nuk janë thjesht përgjigje për familjet që humbën strehën nga tërmeti i 26 nëntor, por një reagim ndaj krizës së shkaktuar nga natyra në fuksion të së ardhmes. Çdo krizë është një mundësi e madhe. Kjo ishte një e keqe shumë e madhë për ato familje që humbën tragjikisht të afërmit dhe strehen, por e mira në këtë të keqë është se ne po ngrihemi më lart se përpara se të ndodhtë kjo tragjedi. Vendet e goditura nga tragjedia, do të jenë më të mira se para se të goditeshin nga tërmeti. Po ndërtojmë një qendër të re të Tiranës”.