Kryeministri Rama tha se pr/buxheti i vitit 2021 ka prioritet adresimin e pasojave të tërmetit dhe të pandemisë. Ne nje konference shtypi se bashku me ministrin Ahmetaj kreu i qeverise beri te ditur se nga buxheti i vitit 2021 janë parashikuar 28 mld lekë për rindertimin. “Edhe pr/buxheti 2021 vazhdon të adresojë në mënyrë prioritare, pikërisht pasojat e tërmetit dhe fatkeqësinë tjetër të madhe, goditjen e vendit tonë nga covid-19. Për rindërtimin parashikohen 28 mld lekë në pr/buxhetin e 2021 dhe gjithashtu paralelisht është parashikuar edhe fondi në vazhdim prej 1.5 mld lekësh për bonusin e qirasë për familjet që do të vazhdojnë të qëndrojnë në kushte shtëpie derisa të kthehen në apartamentet e reja. Kryeministri tha edhe një lajm të mirë për qytetin e Durrësit. Për të cilin tha se është arritur një marrëveshje me Emiratet e Bashkuara Arabe, për investime direkte në zonat e prekura. Me Durrësin lajm i mirë është se më në fund kemi përfunduar marrëveshjen me Emiratet e Bashkuara Arabe dhe jemi gati për firmën përfundimtare thjesht do presim pak ditë. Ne po punojmë ngushtë me miqtë tanë në Emiratet e Bashkuar për një marrëveshje të re për investime direket në zonën e prekur. Në zonën e Krujë-Vorë-Thumanë dhe Tiranë janë ndërtuar apo po ndërtohen 850 shtëpi individualë si dhe tre lagje të reja. Ashtu sikundër kemi faktikisht edhe një lagje të re në Krujë, për të cilën po punohet për shkak të terrenit sfidues dhe për të pasur një projekt që të jetë një prurje e re.