Mbi 1 mijë familje të prekura nga tërmeti i 26 Nëntorit në Kombinat do të marrin apartamentet e tyre të reja të ndërtuara nga Bashkia e Tiranës. Teksa insepktoi punimet tek pallatet, kreu i Bashkisë Erion Veliaj njoftoi se pas muajit gusht do të ketë një short për shpërndarjen e banesave. Veliaj: “Ne do të vazhdojmë të punojmë edhe gjatë verës, që kur njerëzit të kthehen nga pushimet, të hedhim shortin për Kombinatin. Këtu po ndërtojmë një super kompleks, një super lagje e ndarë në seksione të ndryshme. Para disa ditësh ishim te seksioni 5, 6, ndërsa ky është seksioni 7. Në total janë 1069 apartamente, të cilat do të gëzojnë 1069 familje, për të nisur një jetë të re në hapësira e kushte më të mira”. Veliaj tha se bashkia është e fokusuar te puna për ndërtimin sa më shpejt të banesave që janë dëmtuar.