Republikani Donald Trump thotë se ka fituar garën presidenciale në SHBA kundër demokrates Kamala Harris, që do ta kthente Trumpin sërish në Shtëpinë e Bardhë pas katër vjetëve. “Amerika na ka dhënë një mandat të paprecedentë dhe të fuqishëm”, tha ai të mërkurën në mëngjes para një turme përkrahësish në Qendrën e Konventave të Qarkut Palm Beach. TRUMP: Ne do të shërojmë vendin tonë. Ne kemi një vend që ka nevojë për ndihmë. Ne do të rregullojmë kufijtë tanë. Ne do të rregullojmë cdo gjë në vendin tonë. Ne bëmë histori këtë natë. Ne kapërcyem pengesa që askush nuk mendonte se mund të kapërceheshin, dhe tani është e qartë se ne kemi arritur një fitore politike të pabesueshme...shikoni se cfarë ka ndodhur,,,kjo është e pabesueshme Disa media në SHBA ende nuk e kanë shpallur fituesin, por Trump është pranë fitores pasi siguroi shtetet kyçe të fushëbetejës si Pensilvania e Karolina e Veriut dhe ka avantazh në katër të tjerat, sipas sondazhit të Edison Research.