Për Sali Berishën vendimi i Kushtetueses që riktheu në detyrë Belinda Ballukun nuk ishte aspak surprizues, madje e konsideron të diktuar nga Edi Rama. Në këto kushte, ai thirri kryesinë e Partisë Demokratike të mblidhet për t’u organizuar në një revoltë të përditshme dhe pa kthim poshtë zyrës së kryeministrit, derisa ai të largohet. “Rama diktoi gjykatën dhe i hoqi masën e pezullimit Ballukut. Ishte vendim i pritshëm. Ne do të ngrihemi dhe nuk do të ndalemi. Ne do të ngrihemi me ata që janë gati. 3 mijë shqiptarë janë gati që nesër. Nuk rrihet më. Urdhëro e liroi, për tu zgjedhur kryetari i SKAP-it duhet të shkojë e gjithë bota. Do ti kundërvihemi Edi Ramës, është në gjak me ne për votën, o do fitojmë për votën e lirë ose do të shuhemi. Nesër në drekë mblidhet kryesia e PD, fillojnë revoltat dhe nuk ndalen deri në largimin e Edi Ramës. Ne do jemi ditë e natë çdo ditë, para kryeministrisë derisa të rrëzojmë Edi Ramën.” Kryedemokrati Sali Berisha bëri ‘mea culpa’ para demokratëve të Elbasanit, për firmat e hedhura në mbështetje të Endrit Shabanit për avokat populli.