Sali Berisha detyrohet të paraqitet dy herë në muaj pranë oficerit të policisë gjyqsore në SPAK, duke nisur nga kjo e hënë. Ky është vendimi i Apelit të Posaccmë Antikorrupsion që u mor këtë të premte nga gjyqtari Engert Pëllumbi, i cili prishi vendimin e shkallës së parë që la ish kryeministrin pa asnjë masë sigurie. Vendimin që u mor nga Flojera Davidhi në datë 27 nëntor të vitit që lam pas, e ankimoi në Apel prokurori Arben Kraja dhe Enkeleda Millonai të cilët hetuan dosjen e privatizimit të ish klubit sportiv Partizani, për të cilën Berisha është marrë i pandehur për veprën penale të korrupsionit pasiv. Organi i akuzës kërkoi rikthimin e Berishës në masën e arrestit në shtëpi, me argumentin se nuk kanë ndryshuar kushtet e sigurisë dhe se ccëshja është dërguar në gjykim në seancë paraprake dhe se provat akoma nuk janë marrë dhe nuk janë vlerësuar.