Zelanda e Re ka raportuar 14 raste të reja të Covid 19 një ditë pasi qyteti më i madh i saj, Auckland u rikthye në izolim. Konfirmimi i katër pjesëtarëve të një familjeje të infektuar më herët këtë javë, shkoi një vend që nuk kishte regjistruar raste të transmetuara lokalisht për më shumë se tre muaj. Nga rastet e reja, 13 janë lidhur me këtë familje ndërsa një është një i ardhur nga jashtë që ishte në karantinë. Një izolim tre ditor është shpallur në Auckland të mërkurën. “Ne mund ta kuptojmë seriozitetin e situatës”, tha kryeministrja Jacinda Ardern. “Po e përballojmë atë me një reagim urgjent, por të qetë dhe metodik”. Të gjitha rastet e konfirmuara tani do të hyjnë në karantinë. Disa prej kontakteve të tyre po ashtu mund të karantinohen. Zelanda e re është lëvduar ndërkombëtarisht për reagimin e saj të hershëm ndaj pandemisë.