Masa strikte izolimi do të rivendosën në qytetin e dytë më të madh të australisë ndërsa autoritetet përpiqen të parandalojnë një valë të dytë infektimesh të përhapet në vend. Duke filluar nga e mërkura, banorët në melburn nuk do të lejohen të dalin nga shtëpitë, por do të mund ta bëjnë këtë vetëm për pazare, nëse duhet të kujdesen për dikë, për vrap apo punë. Masat, që pritet të mbeten në fuqi për gjashtë javë, vijnë ndërsa shteti i viktorias shënoi një tjetër rritje rekord të rasteve të koronavirusit, me 191 infektime të reja të regjistruara të martën. Shteti raportoi të hënën 127 raste të reja. Më herët, në Viktoria ishin vendosur izolime lokale në disa periferi rreth melburnit. Të hënën, autoritetet njoftuan se kufiri mes viktorias dhe nju sauth uellsit, dy shteteve më të populluara në australi, do të mbyllej mesnatën e të martës, duke izoluar efektivisht viktorian nga pjesa tjetër e vendit. Sipas masave të reja, kafenetë dhe restorantet që u lejuan të hapeshin disa javë më parë, do të mund të shërbejnë sërish vetëm nëse klientët marrin porosinë me vete. Shërbimet e bukurisë dhe ato personale do të mbyllen ashtu si edhe ambjentet kulturore dhe të argëtimit.