Xhorxh Bush kthehet në qendër të vëmendjes me një libër të ri me kujtime, biseda dhe intervista. Ai është konsideruar si arkitekti i luftës shkatërrimtare në irak, por imazhi i tij është rehabilituar ndjeshëm që nga largimi nga posti. Mes republikanëve, është rritur simpatia për të, madje Xhorxh Bush është lëvduar edhe nga pasardhësi i tij demokrat, Barak Obama. Ai është rikthyer. Xhorxh Bush, ish presidenti amerikan, rikthehet në skenën politike këtë javë me një tur promocional të një libri të tij që përfshin kujtime, biseda virtuale dhe intervista në TV dhe radio. Shfaqjet në media, fokusuar tek reforma e emigracionit, duket se konfirmojnë udhëtimin e pabesueshëm të Xhorxh Bush nga arkitekti i shumë polemizuar i luftës shkatërrimtare në Iral deri në shtetarin e adhuruar madje edhe nga disa liberalë. Shkalla e mbështetjes mes republikanëve, për të, është rritur që kur ai la detyrën në 2009, dhe ai është lëvduar madje edhe nga pasardhësi i tij demokrat, Barak Obama. Jo kushdo, sidoqoftë, është i kënaqur me rehabilitimin e një lideri, lufta ndaj terrorit e të cilit, kujton torturat me ujë dhe të formave të tjera. Ata argumentojnë se amerikanët me kujtesë afatshkurtër janë nxituar të mbështesin 74 vjecarin Bush, si një thesar kombëtar. Libri i ri i bush, Një nga të shumtët, i shkon përshtat imazhit të tij të ri. Presidenti i 43 ka përshkruar 43 portrete emigrantësh që ai ka njohur dhe ka shkruar historitë e tyre. qëllimi i tij, thuhet nga zyra e Bush, është që të vendosë fytyra njerëzore në debatin e rëndësishëm rreth emigracionit dhe nevojës për reforma.