Të paktën 14 persona kanë vdekur si pasojë e përmbytjeve në provincën Herat të Afganistanit, kanë raportuar zyrtarët lokalë. Sipas tyre, përmbytjet nisën në orët e vona të së hënës dhe katër fëmijë janë mes viktimave. Zyrtarët lokalë kanë thënë se edhe distriket Obe dhe Karokh të Heratit janë përballur me përmbytje, por ende nuk është raportuar për dëme. Në pjesën më të madhe të Heratit është raportuar për shira të rrëmbyeshëm në dy ditët e fundit. Përmbytjet sezonale që ndodhin në këtë shtet dëmtojnë shtëpitë, tokat bujqësore dhe infrastrukturën publike. Në gusht të vitit të kaluar, përmbytjet kanë rezultuar me më shumë se 150 vdekje në 13 provinca afgane. Më 2019, autoritetet afgane janë përballur me përmbytjet më të rënda, që edhe shkatërruan më shumë se 10,000 shtëpi dhe prekën rreth 180.000 persona, sipas Zyrës së Kombeve të Bashkuara për ndihmë.