Ministri italian i shëndetësisë ka thënë se masa të reja anti covid do të merren në Sicili ndërsa shtrimet në spital me koronavirus po rriten ndjeshëm në rajon. Sicilia do të zhvendoset në zonë të verdhë - tha ministri Speranza, cka do të thotë se njerëzit duhet të mbajnë maska në ambjente të brendshme dhe të jashtme dhe të ruajnë distancën. Po ahstu do të kthehen në fuqi edhe disa kufizime për kapacitetin në vendet ku njerëzit mblidhen. Kjo është hera e parë në dy muaj, që masat anti kovid kthehen në nivel rajonal. Sicilia ka numrin më të lartë të personave të shtruar në spital dhe në kujdes intensiv për shkak të koronavirusit nga të gjitha rajonet e italisë. “Kjo është konfirmim se virusi nuk është mundur ende dhe se prioriteti është që të vazhdojmë të investojmë në fushatën e vaksinimit”, tha ministri Speranza. Presidenti i rajonit tha se tranzicioni duhet të jetë një kambanë alarmi, vecanërisht për të pavaksinuarit. “Cfarë tjetër duhet të ndodhë që ata të binden”, tha Nello Musumeci në një deklaratë. Që nga fillimi i gushtit, Italia ka futur në fuqi një pasaportë të gjelbër, që kërkon provë vaksinimi, shërimi nga covid 19 apo test negativ për disa aktivitete të caktuara si darkimi në restorant, qendrat kulturore dhe vendet e tjera që presin njerëz. Italia ishte një nga vendet e goditura më rëndë në evropë për shkak të covid 19 me një total prej 4.5 milionë rastesh pozitive të konfirmuara që nga fillimi i pandemisë dhe mbi 129 mijë viktima. Pamjet: AFP