Presidenti i Serbisë, Aleksandar Vuçiq, ka krijuar një sistem të padrejtë zgjedhor që e favorizon atë, thotë Daniel Serëer, profesor në Universitetin amerikan Johns Hopkins, në një intervistë për Radion Evropa e Lirë. Duke komentuar fitoren e Vuçicit në raport me Kosovën, Server thotë se rezultati “nuk është një shenjë e mirë”për marrëdhëniet mes dy vendeve. “Nuk shoh asnjë shenjë se Vuçic është gati për një ndryshim serioz sa u përket marrëdhënieve me Kosovën. Përkundrazi, ai është nisur në drejtim të kundërt. Ai sërish bën thirrje për vendosjen e sovranitetit të Serbisë. Ai e kundërshton rëndësinë e marrëveshjeve të marsit dhe shkurtit, të cilat SHBA-ja dhe BE-ja thonë se janë ligjërisht të detyrueshme”, thotë Server. Sipas tij, rezultati i zgjedhjeve ishte i pritshëm pasi vetë Vucic nuk do ti kishte shpallur ato nëse nuk do të ishte i bindur për fitoren. “Ai ka zhvendosur veten dhe partinë, djathtas. E ka shfrytëzuar Qeverinë si mbulesë për ta forcuar zërin e tij. Ka krijuar një sistem zgjedhor të lirë, por jo të drejtë - gjë që e favorizon atë”, thotë Server i cili edhe nxjerr në pah se muajt e fundit, Vuçic ka qenë jashtëzakonisht i mbështetur te Moska dhe Pekini. Miqtë e tij më të mirë këto ditë janë autokratë – thotë server dhe vetë Vucic dëshiron të jetë i tillë. Ai, sipas analistit, është autokrat, i votuar në zgjedhje, pa konkurrencë serioze në horizont.