Sali Berisha tha se Shqipëria ishte në krye të axhendës së diskutimeve në forumin e Bashkimit Ndërkombëtar demokrat, ku dhe u miratua rezoluta në të cilën u reflektuan shqetësimet e PD. Ishte Shqipëria në krye të rendit të ditës për faktin se është shpallur tashmë një autokraci elektorale apo diktaturë autoritare siç thuhet ndryshe. Ishte Shqipëria sepse është vendi i farsave zgjedhore të shëmtuara. Ishte Shqipëria sepse është vendi i karteleve të rrezikshme të drogës, i mburojës së korrupsionit, mbrojtjes së korrupsionit qeveritar nga kryeministri. Ishte Shqipëria sepse Edi Rama është bërë famëzi për lidhjet e tij me kartelet e drogës. Ishte Shqipëria sepse është vendi me të burgosur politikë dhe persekutime politike. Gjatë bashkëbisedimit me qytetarët në rrjetet sociale Berisha tha se PD paraqiti para presidentit të Bashkimit Ndërkombëtar të Demokracisë dhe përfaqësuesve të partive simotra, zhvillimet politike që po ndodhin në vend. U debatua gjerësisht mbi faktorët që pengojnë procesin e integrimit të vendeve të Ballkanit Perëndimor, dhe unë shpreha pikëpamjet e mia se farsa elektorale, përqendrimi i pushteteve në duart e një personi, lidhjet e tmerrshme me kartelet e drogës dhe të krimit, nismat aberrative rajonale Rama-Vuçiç, janë faktorë që së bashku frenojnë procesin e integrimit në BE. Ai fajësoi qeverinë si shkakun kryesor, pasi, sipas tij, po mbron korrupsionin dhe krimin.