Gjatë samitit të Ankarasë, presidenti turk Recep Tayyip Erdogan, u dhuroi liderëve të vendeve anëtare të NATO-s nga një revolver të personalizuar me emrin e secilit, në përfundim të punimeve. Mes tyre, ishte dhe kryeministri Edi Rama që ashtu si secili lider, mori dhuratën speciale nga presidenti turk. Disa nga liderët e vlerësuan dhe nuk nguruan ta tregonin dhuratën speciale. Ndërkohë sipas raportimeve, pritet që kryeministri Edi Rama revolverin ta vendos në muzeun e dhuratave zyrtare që ndodhet në ambientet e Kryeministrisë. Arma është model turk Sarsılmaz SR 38, një revolver me tambur me kapacitet prej gjashtë fishekësh, i projektuar për të përdorur municionet 357 Magnum dhe 38 Special. Pistoleta është e pajisur me mekanizëm me veprim të dyfishtë dhe është prodhuar prej çeliku të farkëtuar, duke kombinuar karakteristika teknike të qëndrueshmërisë dhe funksionalitetit, raportojnë mediat turke.