Kryeministri i Belgjikës u habit kur u kthye në shtëpi nga samiti i NATO-s të mërkurën në Turqi, për të zbuluar se kishte një pistoletë dhe municione në bagazhin e tij. Pasi udhëheqësit e NATO-s u mblodhën për samitin e trazuar të së mërkurës në Ankara, mikpritësi i tyre, Presidenti turk Rexhep Tajip Erdogan, i dha secilit nga një dhuratë të pazakontë lamtumire: një revolver të vjetër, së bashku me fishekë të vërtetë cka tregonte se nuk ishte vetëm për shoë. Erdogan donte ndoshta të reklamonte industrinë mbrojtëse të Turqisë, e cila është bërë një mjet kyç i eksportit dhe politikës së jashtme. Imazhet e ndara nga zyra e Presidentit lituanez Gitanas Nauseda treguan atë që dukej të ishte Gumusay 357 Magnum, një armë e rrallë me gjashtë fishekë e prodhuar nga prodhuesi turk i armëve MKE në vitet 1990. Arma ishte vendosur në një kuti prej druri të dekoruar me flamurin e Turqisë dhe logon e NATO-s. Zëdhënësi i kryeministrit spanjoll Pedro Sanchez tha se të gjithë udhëheqësve u ishte dhënë i njëjti model, në të cilin ishin gdhendur emrat e tyre. Kryeministri belg, Bart De Ëever, ia dorëzoi dhuratën e tij policisë së aeroportit të Brukselit, për ta siguruar në një kasafortë. Një ndihmës i presidentit polak Karol Naërocki tha se revolveri i tij po priste zhdoganimin në Aeroportin e Varshavës dhe do të mbahej në një vend të përshtatshëm "në mënyrë që të jetë i sigurt dhe i respektuar si dhuratë". "Sigurisht që askush nuk do të qëllojë me të", shtoi ai. Zyrat e kryeministrave holandezë dhe suedezë thanë se revolverët e tyre ishin çuar në ambasadat përkatëse në Ankara në pritje të plotësimit të dokumentacionit për udhëtim. Arma që iu dha Keir Starmer shoqërohej ndërkohë me një komplet pastrimi dhe 500 fishekë. Revolveri i kryeministres italiane Giorgia Meloni po ruhet tashmë në selinë e qeverisë, në Palazzo Chigi, së bashku me dhurata të tjera shtetërore. Presidentja e Komisionit të BE-së, Ursula von der Leyen, kishte ndërmend t’ia dhuronte armën e saj një muzeu ushtarak.