Revolucioni i Flamingove kapërceu edhe pragun e Parlamentit Europian. Eurodeputetja italiane e grupit të majtë, Ilaria Salis ngriti zërin në seancën plenare ku shqyrtohet raporti për Shqipërinë, sa i takon investimit të dhëndrit të presidentit amerikan, Jared Kushner në Zvërnec. “Falë lëvizjes së flamingove gjatë këtyre javëve, Shqipëria po tregon fytyrën e saj më të mirë dhe po i tregon gjithë Europës një rrugë të drejtë për t’u ndjekur. Mesazhi i qytetarëve është i thjeshtë dhe i fuqishëm: Shqipëria nuk është në shitje. Nuk është në shitje për oligarkët. Nuk është në shitje për dhëndrin e Trumpit, Jared Kushner. Nuk është në shitje për ata që mendojnë se paratë mund të blejnë gjithçka – tokën, natyrën, madje edhe demokracinë. Ajo që po shohim nuk është thjesht një mobilizim ambientalist; është një betejë për sovranitetin popullor. Pikërisht për këtë arsye Europa duhet të vështrojë me kujdes atë që po ndodh në Shqipëri.”