Disa re po ngrihen më lart në atmosferë, ku grumbullojnë më shumë nxehtësi. Të tjerat po reflektojnë më pak rrezet e diellit, ose po tkurren duke lejuar më shumë energji diellore të arrijë në sipërfaqen e Tokës. Shkencëtarët e dinë se kjo po ndikon tek klima, sepse roli jetësor që luajnë retë në ngrohjen dhe ftohjen e planetit është kuptuar mirë. Hulumtimet e fundit kanë treguar se retë, ose më mirë, mungesa e tyre, ka ndihmuar në nxitjen e një rritjeje tronditëse të nxehtësisë globale, gjatë dy viteve të fundit. Ajo që është më pak e sigurt është se si retë mund të evoluojnë ndërsa bota ngrohet. A do të kenë ato një efekt zbutës mbi ngrohjen globale, apo do ta përforcojnë atë? Dhe nëse po, sa? "Kjo është arsyeja pse retë janë sfida më e madhe. Kuptimi i tyre është dhe ka qenë, pengesa e madhe," thotë Bjorn Stevens nga Instituti Max Planck për Meteorologjinë në Gjermani.