Reshjet e dendura të shiut të shënuara gjatë orëve të fundit kanë sjellë problematika të mëdha në disa akse rrugore të vendit. Autoriteti Rrugor Shqiptar ka njoftuar se reshjet intensive kanë shkaktuar rënie gurësh dhe rëshqitje dherash në disa zona, duke vështirësuar qarkullimin e mjeteve dhe kalimtarëve. Një nga zonat më të prekura është aksin rrugor që lidh Skërficën, Tepelenën dhe Nivicën, ku janë raportuar probleme të tilla. ARRSH apelon për kujdes të shtuar nga drejtuesit e mjeteve dhe udhëzon që të shmangen manovrat e gabuara për të parandaluar aksidentet. Për më tepër, ARRSH njofton se kompanitë e mirëmbajtjes janë angazhuar në terren dhe po punojnë intensivisht për të pastruar akset dhe për të siguruar që qarkullimi të vijojë normalisht. Sakaq reshjet e natës së kaluar kanë shkaktuar përmbytje në rrugët nacionale dhe ato rurale në Bulqizë, duke krijuar vështirësi në qarkullimin e mjeteve dhe kalimtarëve. Një nga zonat më të prekura mbetet aksin që lidh Lagjen e Vjetër me Lagjen e Re, i cili është përmbytur duke rënduar lëvizjen. Banorët dhe drejtuesit e mjeteve shprehen se ky fenomen ndodh çdo herë që ka reshje të mëdha. Gjatë vitit të kaluar, disa automjete janë dëmtuar në këtë aks për shkak të nivelit të lartë të ujit që mbulon rrugën.