Moti me reshje relativisht të larta gjatë tremujorit të parë të këtij viti, në krahasim me të njëjtën periudhë të vitit 2025 është reflektuar edhe në sasinë e energjisë elektrike të prodhuar në vend. INSTAT raportoi se prodhimi neto vendas i energjisë elektrike në këtë periudhë u rrit me 63 për qind, duke arritur në 3.647 gigavat për orë, nga 2234 giga që ishte në tre muajt e parë të vitit të kaluar. Pesha e hidrocentraleve publike në prodhimin e energjisë ra edhe për këtë periudhë në 45.7 për qind të totalit, ndërsa HEC-et private dhe ato koncesionare arritën në 47.3 për qind. 7 për qind e prodhimit neto vendas u sigurua nga fotovoltaikët. Rritja e prodhimit vendas reduktoi me 57 për qind importin e energjisë, ndërsa eksporti u rrit me 105 për qind. Diferenca mes eksportit dhe importit bruto të energjisë, në tremujorin e parë të vitit 2026, rezultoi pozitiv në nivelin 1.177 gigava/orë.