Si pasoje e reshjeve te shiut me intesitet, gjatë mbrëmjes te se dieles ne zonen e Elbasanit, janë përmbytur tre shtëpi, por me ndërhyrjen e zjarrfikësve situata është rikthyer në normalitet. Raportohet se aktualisht po punohet ne segmentin Mollas-Frashër, pasi ka pasur bllokim të rrugës nga rënie e një masivi dheu, ashtu si edhe ne rrugen Paper-Pajun, e cila u bllokuar per disa ore. Konkretisht ne zonen e Muriqanit ka përmbytje gati 2 hektare tokë bujqësore dhe 1 hektare përmbytje në Paper. Ndersa ne njesite admintrative Hotolisht dhe Polis në bashkinë Librazhd ka probleme me energjinë elektrike, si pasoje e demeve qe shkaktuan reshjet e shiut. Gjithashtu pas reshjeve probleme jane raportuar edhe ne Shkoder, ku jane përmbytur 1330 hektarë tokë. Nga autoritete behet e ditur se Rruga e Obotit është e kalueshme vetëm me mjete të larta, teksa vazhdon gërryerja e tokës bujqësore nga lumi Drin në vendin e quajtur Mali i Vukatanit, fshati Ganjollë dhe në vendin e quajtur Harku i Bërdicës në fshatin Bërdicë e Sipërme. Hidrometri në Dajç mengjesin e se henes shënoi kuotën 6.35m, kur kuota max duhet te jete 6.30 m.