Emisioni i sotëm i Top Talk ka ndezur replika të forta dhe ka shkaktuar debat ndërmjet aktorit Neritan Liçaj dhe gazetarit Bledi Mane. Dalja e fundit e Liçajt në mitingun e hapjes së fushatës zgjedhore, zhvilluar nga Partia Demokratike pasditen e 25 Marsit, shkaktoi jo pak replika në studio. Mane u shpreh se roli i fundit i Nertianit si aktor filmi ka qenë ai i ish diktatorit Enver Hoxha, duke lënë të nënkuptohej se gjatë fjalës së mbajtur në fushatën e Partisë Demokratike, fjalimi i Liçajt përngjante me fjalimet komuniste. Bledi Mane: Roli si fundit si aktor filmi i Neritanit ka qenë ai Enver hoxhës, me sekuenca filmi, në Gjirokastër. Në mitingun e djeshëm të PD-së, mu faneps Neritani me të njëjtën patos e me të njëjtën veshje si Enver Hoxha mbi atë podium. Nuk e pashë Neritanin që unë njoh, e pashë të mbushur me mllef e inat, mendoj se fjalimi do të ia ketë shkruar Flutura Açka. I gjendur në këtë situatë aktori Neritan Liçaj, nuk la pa përmendur edhe figurën e Tom Doshit, një emër ky i cili po lakohet shumë së fundmi jo vetëm në media por edhe në rradhët e diplomatëve të huaj. Neritan Liçaj: Mund të recitosh si Mero Baze sa të duash, lëri këto ngjyrime se nuk e ke të drejtën e eksluzivitetin, ik voto Tom Doshin, e të mbash përgjegjëis tëndë. Sa për Enver Hoxhën, mua s’ma jep njeri fjalim siç t’i japim ty. Ti përpiqesh të maipilosh meidan, këtë e andej sepse ti e ndjek nga facebook, ndërsa unë e njoh më mirë se ti. Ku e di ti kush ma ka dhënë fjalimin. Mua s’ma kanë dhënë njeri fjalimin, se fola pa letër. Fol mos bëj përcaktime, se nuk ke të drejtë të bësh përcaktime me mua.