Reperi i njohur Lyrical Son dhe bashkëshortja e tij Gresa Krasniqi do të bëhen për herë të tretë prindër. Ata kanë dy vajza dhe do të mirëpresin në jetë një djalë. Gresa dhe Festimi janë prindër edhe të dy vajzave: Eva dhe Erika. Pak vite më parë në një intervistë reperi ka treguar se Gresa rrezikonte të abortonte foshnjen dhe mjekët nuk i dhanë shpresa. Ai tha se mjekët i kanë kërkuar që të abortonin njërën nga vajzat, gjë që nuk pranuan ta bënin. Ata e kurorëzuan dashurinë në vitin 2014 dhe janë së bashku prej 10 vitesh tashmë. Ndërkohë në rrjetet sociale postuan momente nga festa e zbulimit të gjinisë në Amerikë. Festimi, babai i dy vajzave në daljet e tij publike dhe në emisione të ndryshme gjithmonë ka treguar se është një njeri I përkushtruar ndaj familjes. Lyrical Son është një ndër reperët më të njohur të skenës që vazhdimisht sjell shumë projekte muzikore dhe koncerte.