Kjo e hënë ka shënuar një ulje drastike të rasteve të reja në vend, krahasuar me javën që lam pas ku shifrat e infektimeve ishin mbi 500 të tilla në një ditë. Në 24 orët e fundit janë regjistruar 89 raste të reja nga 321 testime të kryera në të gjithë vendin. Tirana vijon të jetë qarku më i infektuar me 30 raste, 10 të tilla u shënuan në Kurbin, 9 raste në Kavajë dhe më pak raste u shënuan në qarqet e tjera. Këtë të hënë po ashtu nuk është shënuar asnjë humbje jete me Covid 19. Ministria e Shëndetësisë në raportimin e zakonshëm ditor bëri me dije se në 24 orët paraprake u shëruan 179 qytetarë, duke e çuar numrin e të shëruarve në 314,991 që nga fillimi i epidemisë. Ndërkohë, në spitalin Covid 3, 27 pacientë po luftojnë me virusin e rrezikshëm. Aktualisht në vendin tonë janë 3,331 qytetarë aktivë me covid19.