Rendi ndërkombëtar botëror është “nën kërcënim në një mënyrë që nuk e kemi parë që nga Lufta e Ftohtë”, kanë paralajmëruar krerët e shërbimeve të huaja të inteligjencës në Mbretërinë e Bashkuar dhe SHBA. Shefat e MI6 dhe CIA-s një një artikull të përbashkët të botuar në Financial Times nënvizuan se të dyja vendet po qëndrojnë së bashku në rezistencën kundër agresionit rus në Ukrainë. Sir Richard Moore dhe Ëilliam Burns thonë se kishin informacione për luftën që po vinte në Ukrainë dhe se bën çdo gjë për të ndihmuar Kievin, po ashtu ata sqarojnë se punuan për një kohë të gjatë kundër sabotazhit rus në të gjithë Europën por dhe luftën mes Izraelit dhe Hamas. “Nuk ka dyshim se rendi ndërkombëtar botëror – sistemi i balancuar që ka çuar në paqe dhe stabilitet relativ dhe ka ofruar standarde në rritje të jetesës, mundësi dhe prosperitet – është nën kërcënim në një mënyrë që ne kemi nuk është parë që nga Lufta e Ftohtë.”, thuhet në artikull ndërsa specifikohet se një nga "grupet e paprecedentë të kërcënimeve" me të cilat përballen Mbretëria e Bashkuar dhe SHBA është lufta në Ukrainë, e cila është në vitin e tretë pas pushtimit të Rusisë në shkurt 2022. “Përtej Ukrainës, ne vazhdojmë të punojmë së bashku për të prishur fushatën e pamatur të sabotimit në të gjithë Evropën që po zhvillohet nga inteligjenca ruse, dhe përdorimin e saj cinik të teknologjisë për të përhapur gënjeshtra dhe dezinformata të krijuara për të nxitur ndarje”, shkruajnë ata. Dyshja thotë gjithashtu se shqetësim mbetet dhe lufta në Gaza por dhe Kina.