Rekordet e të nxehtit janë rrëzuar njëri pas tjetrit ndërsa zjarrfikësit po luftojnë me flakët ndërsa pjesa më e madhe e evropës perëndimore përvëlohet në një valë të frikshme të nxehti. Britania e madhe e mësuar me klimë më të butë, regjistroi temperatura prej mbi 40 gradësh celcius për të parën herë në Histori. Gjermania pa ditën më të nxehtë të vitit deri më tani ndërsa Portugalia rriti bilancin e viktimave pas ditësh të nxehti përvëlues. Zjarret vdekjeprurëse kanë përfshirë kontinentin dhe organizata meteorologjike botërore paralajmëron se më e keqja nuk ka ardhur ende. Valët e të nxehtit janë bërë më të shpeshta dhe më intensive. Ato zgjasin më shumë për shkak të ndryshimeve të klimës të shkaktuara nga njeriu. “Në të ardhmen, këto lloj valësh të nxehti do të bëhen normale dhe ne do të shohim edhe ekstreme më të forta”, thotë shefi i agjencisë së kombeve të bashkuara Peterri Taalas.