Shefi ekzekutiv i Agjencisë së Statistikave të Kosovës, Avni Kastrati ka deklaruar se regjistrimi i popullsisë po shkon sipas planifikimeve , ndërsa sfida kryesore në këtë proces mbetet komuniteti serb në disa pjesë të veriut të vendit. Gjatë një konference për media, Kastrati bëri të ditë shifrat e regjistrimeve, teksa theksoi se këto kanë kaluar shifrën e 7 mijë. Gjithashtu ai shtoi se ky proces nuk ka nisur ende në veri të vendit, për shkak të disa trajnimeve. Ndërkohë bëri me dije se sistemi është funksional dhe ky është një lajm i mirë, pasi më parë janë përballur me problematika edhe në këtë aspekt.