Komisioni Qendror i Zgjedhjeve ka nisur procesin e regjistrimit te 10 partitë të vogla për zgjedhjet e 25 prillit, për të cilat afati përfundimtar është caktuar 14 shkurti. PDIU e Shpëtim Idrizit nuk ka humbur kohë dhe këtë tëpremte ishte partia e parë e frontit opozitar, e cila u regjistrua si subjekt politik në Komisionin Qëndror të Zgjedhjeve. Vendim që ngriti jo pak pikëpyetje, në kohën kur PDIU ishte në negociata për të hyrë në zgjedhje në koalicion të përbashkët me PD. E megjithatë e shtuna pritet te sqarojë më shumë pozicionin e dy aleatëve pas një takimi të mundshëm mes dy krereve te partive, ndërkohë shanci për tu bashkuar nëse nga negociatat bien dakort, është data 24 shkurt ditë e përcaktuar për regjistrimin e koalicioneve sipas formulës së diktuar nga kodi zgjedhor. As partite e reja të djathta nuk humbën kohë. Ish-zyrtarët e Partisë Demokratike Jozefina Topalli dhe Astrit Patozi ashtu si dhe Myslim Murrizi registruan subjektet e tyre politike. KQZ pranoi edhe kërkesën e 6 partive te vogla, dikur aleate të Lulzim Bashës, kryetarët e së cilave gëzuan mandatin e deputetit falë djegies së mandateve nga PD-LSI , si dhe pranoi kerkesën e Plarent Aleksit dhe Pal Shkambi për mbledhur firmat si kandidat të pavarur në zgjedhjet e 25 prillit. Mesi i shkurtit është afati përfudimtar për regjistrimin e partive politike për të marrë pjesë në zgjedhje, ndërkohë deri me 24 shkurt duhet te regjistrohen koalicionet. Më 6 mars partite duhet te dergojne listen me emrat e kandidatëve në KQZ.