Interpelanca me ministren e Drejtësisë Etilda Gjonaj u konsideruar urgjente, teksa një grup deputetësh firmosën dhe u vendos të zhvillohej në seancën plenare të kësaj të enjteje. Lefter Maliqi ishte në krye të listës së deputetëve që kërkuan interpelancën që iu dedikua situatës në burgje. Korrupsioni, tenderat korruptive, protesta dhe greva e të burgosurve. Jeni të keq përdorur nga kryeministri, të përgjigjesh të paktën 50% të realitetit. Besoj që të jesh transparente”, tha Maliqi. Ministrja e Drejtësisë Etilda Gjonaj, e cila nuk pranoi asnjë prej akuzave bëri të ditur faktin se vitin tjetër do të mbyllet burgu i Zaharisë për shkak të degradimit. Ajo vlerësoi se sistemi 41 BIS ka shkëputur lidhjet e të burgosurve me krimin. Lidhur me grevat në disa prej burgjeve të vendit, ministrja Gjonaj tha se kanë nisur hetimet nga institucionet përkatëse.