Kryeministri polak Donald Tusk, ka bërë një kritikë të ashpër publike për republikanët në shtetet e bashkuara të amerikës. Në një postim në mediat sociale këtë mëngjes, politikani i qendrës së djathtë tha: Të dashur senatorë të shteteve të bashkuara, Ronald Reagan, që ndihmoi miliona prej nesh të rifitonim lirinë dhe pavarësinë, duhet të jetë duke u rrotulluar në varr sot. T’ju vijë turp! Kritika jashtëzakonisht e fortë ndaj politikanëve nga vendi partner më i rëndësishëm i sigurisë për Varshavën erdhi pasi Senati amerikan bllokoi një projektligj 118 miliardë dollarësh për kufirin SHBA-Meksikë dhe Ukrainën. Ligji do ti jepte 60 miliardë dollarë ndihma ushtarake kievit që prej dy vitesh po përpiqet të zbrapsë pushtimin rus. Tusk është një nga politikanët veteranë në evropë dhe ka shërbyer si kryeministër i polonisë nga 2007 deri në 2014, president i këshillit evropian nga 2014 deri në 2019 dhe president i partive popullore evropiane nga 2019 deri në 2022 para se të kthehej në postin e kryeministrit në fund të vitit të kaluar.