Kryeministri Edi Rama ka vijuar takimet e tij elektorale në Kamëz. Rama ka cilësuar politikën si përgjegjësen kryesore që e ka lënë kamëzën pa asnjë shpresë dikur dhe është po prapë politika ajo që po bën të mundur vaksinimin e 300 mijë shqiptrëve sot. Rama nuk ka lënë pa përmendur edhe refuzimin që i ka bërë Basha për një bashkëpunimi të mundshëm ndërmjet tij dhe krydemokratitn Basha. Kryeministri e ka cilësuar Bashën si një njeri i cili nuk është lider, po thjesht udhëndjekës i Metës dhe Berishës. “Ai është udhëndjekësi i Saliut dhe Ilirit se unë për Shqipërinë dhe shqiptarët jam i gatshëm që të shkoj përtej ndasive të 30 viteve, por që ta bësh këtë duhet të jesh lider, udhëheqës, duhet të kesh forcën e karakterit, vizionin e të ardhmes, duhet të jetosh së brendshmi me hallet e njerëzve, duhet të rrish pa gjurmë kur njerëzit janë pa çati, apo pa gjumë se kanë ankthin si do të dalin nga pandemia” Kryeministri Edi Rama tha se në 25 prill, shqiptarët kanë 2 opsione për të votuar, ose “për të marrë lekë duke ndjenjat” dhe këtu thotë se i referohet premtimit të PD-së, ose të bëhen sipërmarrës. “Ose votoni për Lulin dhe prisni të merrni lekë dhe të rrini duke menduar se jeta është qejf, ose t fillojnë dhe të mendojnë bashkë ne nënë dhe babën se si mund të jenë ato familje që do të shkojnë te shtëpia e stërgjyshërve të tyre dhe do të bëhen sipërmarrës me ndihmën e pushtetit tonë, që ato dyer të vjetra të hapen dhe të sjellin fitime nga puna, jo nga qielli”