Zyra e Prokurorit të Specializuar ka kundërshtuar kërkesën e mbrojtjes së ish-presidentit të Kosovës, Hashim Thaç për lirim të përkohshëm nga burgu. Në kërkesë thuhet se ish-presidenti nuk paraqet rrezik të arratisjes dhe se ai ka ofruar garanci financiare 50 mijë euro për të siguruar lirimin. Në kërkesë mes tjerash, thuhet se Thaçi, s’do të largohet nga territori i Kosovës, dhe se do të dorëzojë pasaportën dhe çdo dokument tjetër udhëtimi. kryeprokurorja amerikane argumentoi se rreziqet e identifikuara më pare vijojnë të mbeten dhe nuk ka masa që mund t’i zbusin ato. Kimberly Ëest vuri në dukje se ekzistojnë shqetësime për kryerjen e veprave të tjera penale, si dhe për tentativat për të penguar procesin gjyqësor. “Konstatimet e vazhdueshme mbi ekzistencën e rreziqeve sipas nenit 41(6)(b) që i atribuohen Thaçit në këtë çështje mbeten të vlefshme. Ato janë bërë mbi bazën e një numri të madh faktorësh të arsyetuar dhe të individualizuar, dhe asnjë kusht i mundshëm për lirimin e tij nuk mund t’i zbusë ato në mënyrë të mjaftueshme”, thuhet në njoftimin e Prokurorisë Speciale. Një argument tjetër i ngritur nga prokurorja Ëest ishte ritmi i shpejtë i procedurave gjyqësore. Ky fakt, së bashku me afatet e parashikuara për shqyrtimin e kërkesave përfundimtare mbi provat shprehet kryeprokurorja, përforcon domosdoshmërinë e paraburgimit.