Reforma territoriale duhet t’i rezistojë kohës dhe të gjithë aktorët duhet të jenë proaktivë në procesin që do ndiqet për ndryshimin e hartës administrative-territoriale. Kështu u shpreh ministri i shtetit për pushtetin vendor, Ervin Demo, në ndërkohë që komisioni i posaçëm për reformën territoriale është bojkotuar nga opozita, dhe për këtë po përgatitet ndyshimi i ndarjes së karrigeve në komision. “Elefanti në dhomë është reforma territoriale. Procesi, i cili do të fillojë në pak ditë, duhet të jetë transparent. 12 qarqet që kemi sot janë krijuar në një kontekst tjetër dhe ka vend për të diskutuar, por nuk dua të kaloj më përpara se ç’duhet. Në javët që vijnë besoj do të jetë një debat i hapur. Shpresoj që të kemi një reformë që mos të durojë 10 vjet, por të bëjë një kërcim edhe më shumë. U bëj thirrje të gjithë aktorëve të jenë proaktivë dhe kuptohet që kjo reformë do të udhëhiqet politikisht në parlament, por edhe nga Ministri”