Kryedemokrati Sali Berisha, u ndal në mbledhjen e grupit parlamentar, mbi atë që e konsideron si dështimi i reformës në drejtësi. Sipas Berishës, një shembull i dështimit të kësaj reforme lidhet edhe me numrin e të dënuarve, krahasuar me Gjykatën e Krimeve të Rënda. Mora raportet e Departamentit të Shtetit, statistikën e këtyre raporteve të viteve 2008-2009. Çfarë tregonin këto raporte? Këto tregonin se në këto 2 vite, task-forca kundër korrupsionit çoi në gjykatë dhe u dënuan 630 zyrtarë. Në dy vite, sipas raportit të Altin Troplinit, dhe të Prokurorit të Përgjithshëm, të paraqitura në parlament, janë dënuar gjithsej 199 persona për korrupsion, dhe një pjesë e tyre janë edhe për krim të organizuar. Pra, tre herë më pak. Si pas Berishës kjo situatë vjen për shkak se të pazareve që bëhen me çështje të ndryshme, duke akuzuar në mënyrë të drejtëpërdrejtë edhe vetë kreun e SPAK Altin Dumani. Ish-kryeministri theksoi se kjo situatë me sistemin e drejtësisë, vjen për shkak të bashkëpunimit mes Edi Ramës dhe George Soros, teksa e konsideroi SPAK-un si institucionin më të korruptuar në histori, të drejtësisë.