Top News – ‘Rebelohen’ majmunët, plagosin 42 persona / Kafshojnë dhe gërvishtin të rritur e fëmijë

Sulmet e majmunëve kanë plagosur 42 persona në një qytet japonez, me autoritetet që druajnë se gjithcka mund të jetë vepër e vetëm një kafshe të tërbuar. Majmunët japonez Macaques, shihen zakonisht në shumë pjesë të vendit ndërsa në disa zona konsiderohen edhe invazivë pasi hanë të mbjellat dhe mbrëmjeve hyjnë nëpër shtëpi. Por, vala e sulmeve të majmunëve në qytetin Jamaguchi, në japoninë perëndimore, është e pazakontë, me të rriturit dhe fëmijët që kanë pësuar plagë, përfshirë gërvishtjet dhe kafshimet. “I gjithë qyteti është i rrethuar nga malet dhe nuk është e rrallë të shohim majmunë”, tha një zyrtar japonez për agjencinë e lajmeve AFP. Por sipas tij, është e rrallë të shohësh kaq shumë sulme në një periudhë të shkurtër kohe.