Rebelët sirianë që luftojnë kundër regjimit të Asadit në Siri dhe që kanë bërë avancime të papritura ditët e fundit, po marrin dronë ukrainas, tha ministria e jashtme e Rusisë. Moska mbështet qeverinë siriane në luftën e saj kundër rebelëve, të cilët nisën një ofensivë shkatërruese dhe që vazhdon ende javën e kaluar. Zëdhënësja e Ministrisë së Jashtme ruse Maria Zakharova tha se Moska po bënte gjithçka që mundej për të ndihmuar Damaskun dhe për të kundërshtuar ofensivën, për të cilën Kremlini thotë se po kryhet nga "grupe terroriste" që marrin mbështetje nga jashtë vendit, përfshirë këtu dronët dhe trajnimet ushtarake. "Ne e dënojmë fuqishëm këtë sulm... nuk ka dyshim se ata nuk do të kishin guxuar të kryenin një akt kaq të guximshëm pa nxitjen dhe mbështetjen gjithëpërfshirëse të forcave të jashtme që kërkojnë të provokojnë një raund të ri konfrontimi të armatosur në Siri, të shpalosin atje një spirale dhune”, u tha ajo gazetarëve.