Rebelët Huthi të Jemenit thanë se sulmuan me një dron anijen transportuese MSC Orion në Oqeanin Indian, si pjesë e fushatës së tyre kundër anijeve ndërkombëtare, në mbështetje të palestinezëve dhe kundër veprimeve ushtarake izraelite në Gazë. Anija me flamur portugez po lundronte mes porteve të Sines, në Portugali dhe Salalahut në Oman. Pronari i regjistruar është Zodiac Maritime, sipas të dhënave të Grupit të Bursës së Londrës. Zodiac është pjesërisht në pronësi të biznesmenit izraelit Eyal Ofer. Kompania nuk iu përgjigj menjëherë kërkesës për koment.