Drejtuesi i Agjencisë Bërthamore të OKB-së, Rafael Grossi u takua me Presidentin ukrainas Volodymyr Zelenskyy në qytetin ukrainas Zaporizhia, rreth 50 kilometra në verilindje të stacionit bërthamor me të njëjtin emër. Në një mesazh në Tëitter, Grossi paralajmëroi se stacioni hidro-elektrik në Dnipro është thelbësor për sigurinë e centralit bërthamor. Ai gjithashtu i tha Presidentit Zelensky se situata e rrezikshme në centralin më të madh bërthamor të Evropës “nuk po përmirësohet”, ndërsa luftimet në zonë vazhdojnë ta mbajnë centralin në prag të një katastrofe. Më herët këtë muaj, luftimet ndërprenë furnizimin me energji për gjysëm dite, dhe stafi u detyrua të vinte në punë gjeneratorët. “Çdo herë jemi duke luajtur me fatin”, i tha ai agjencisë së tij në atë kohë.”Dhe nëse e lejojmë këtë të ndodhë herë pas here, atëherë një ditë fati do të na braktisë”.