Kryeministri i Mbretërisë së Bashkuar, Sir Keir Starmer ishte i pari që reagoi pas sulmit të SHBA në Iran, ku u goditën tre centrale bërthamrore. Ai e quajti ndërhyrjen si një veprim për të zbutur një kërcënim të rëndë që paraqet për botën programi bërthamor i Iranit, ndërsa kërkoi nga Teherani që të pranojë bisedimet dhe të gjejë një zghidhje diplomatike. Qëndrim që u mbajt dhe nga kancelari gjerman Friedrich Merz, që kërkoi po ashtu një zgjidhje diplomatike për konfliktin aktual. Sipas zëdhënësit të tij, Merz do të “koordinohet ngushtë” me partenrë, SHBA-në dhe BE-në për hapat e mëtejmë sa i përket situatës në Lindjen e Mesme. Ndërkhë sekretari i përgjithshëm i OKB, Antonio Guterres, tha se sulmet ajrore të SHBA-së ishin një përshkallëzim i rrezikshëm; ndërsa shefja e politikës së jashtme të Bashkimit Evropian, Kaja Kallas, u bëri thirrje të gjitha palëve të tërhiqen dhe të kthehen në tryezën e negociatave. Arabia Saudite nga ana tjetër ka shprehur "shqetësim të madh", ndërsa Omani - i cili ka pritur bisedimet SHBA-Iran në javët e fundit - i dënoi sulmet dhe bëri thirrje për deeskalim. Shmangie të përshkallëzimit kërkoi dhe Katari, ndërsa Iraku dënoi bombardimin e amerikanëve.