Socialistët votuan që raportimi i drejtueses së SHISH, Vlora Hysenit në Komisionin e Sigurisë të bëhej me dyer të mbyllura, për të ruajtur sekretin shtetëror, gjë që u kundërshtua nga demokratët. Ervin Salianji i drejtoi Hysenit një sërë pyetjesh, të cilat mbetën pa përgjigje. Mbledhja u mbyll pasi nuk u plotësua kuorumi i deputetëve që kanë certifikatë sigurie. Salianji: A ka përgjigje që Hyseni ka qenë në Beograd si drejtuese e SHISH. Ka një shqetësim në publik për ne. Drejtuesit profesionistë të SHISH ishin zëvendësuar me militantë. A ka përgjigje Vlora Hyseni si kjo? A do e zhbëjë kulturën e mosndëshkimit në SHISH, Vlora Hyseni? Po në raste kur informacione të klasifikuara përdoren për shantazh. Naço: Nëse bën pyetje të karakterit të sekretit shtetëror do ta ndërpres fjalën. Salianji: Po ku e di ti ore Naço: Se njeh ti ligjin më mirë se unë po lërë tani Salianji: Mos bëj si gangster se nuk e bën dot ore Naço: Po përmend emra që kanë të bëjnë me sigurinë kombëtare Salianji: Më lër të mbaroj fjalën. Ti nuk je pronar o burr. Kur të shkosh në fshat ik bëj si kapadai. Ose zbato rregullat ose mbylle mbledhjen. Para ligjit s’je asgjë Naço: Seanca mbyllet këtu Pas mbylljes së mbledhjes, deputeti Ervin Salianji ngriti shqetësimin se certifikatat e sigurisë po vonohen qëllimisht.