Misioni i OSBE-së në Kosovë këtë të mërkurë ka publikuar Raportin nga monitorimi i gjykimit të rasteve të krimeve të luftës në Kosovë. Shefi i këtij misioni, Gerard McGurk, tha se ky raport reflekton punën e 7 viteve të monitorimit sistematik të gjykimeve të luftës në Kosovë dhe se paraqet gjetjet e 48 rasteve të krimeve të luftës, të gjykuara para Departamentit Special të Gjykatës Themelore në Prishtinë. ‘17 raste kanë arritur formën e prerë. Monitorimi i të dhënave ka treguar që një në pesë seanca janë shtyrë nga mosparaqitja e dëshmitarëve. Gati çerek i rasteve që kanë arritur në gjykim janë prekur nga ndryshimi në panelin gjykues, dhe procedurat kanë nisur nga e para në disa raste. Këto çështje nuk janë vetëm teknike, por shkojnë në zemër të procesit të rregullt, dhe kanë ndikim në besim’