Forcimi i rolit të grupeve kriminale shqiptare në trafikun global të kokainës, kryesisht në rrugën Ekuador, Europë përmendet edhe në një raport vjetor të Kombeve të Bashkuara. Në raport, fjala shqiptar dhe shqipfolës përmenden 36 herë. Raporti thotë se kultivimi i kokainës u rrit me 35 për qind në vitin 2022, duke shkuar në nivelet më të larta historike. OKB thekson se shqiptarët kanë një rol kryesor në transportin dhe shpërndarjen e kokainës në Holandë, Belgjikë e Britaninë e Madhe dhe një rol kyç në Itali.