Pasi Taulant Balla depozitoi në Kuvend kërkesën për ngritjen e një komisioni të posaçëm hetimor për hetimin e raportit të Dick Marty-t, Konferenca e Kryetarëve vendosi ta përfshijë në procedurë kërkesën e kreut të grupit parlamentar të PS. Konferenca e Kryetarëve vendosi t’i përcjellë seancës plenare kërkesën “për ngritjen e një Komisioni të Posaçëm të Kuvendit për administrimin e dokumentacionit dhe hartimin e një raporti mbi gjetjet dhe konkluzionet e verifikimeve të kryera nga institucionet përkatëse në Shqipëri mbi çështjet e raportit per Dick Marty, mbi rolin e përfaqësuesve politikë dhe institucioneve publike shqiptare në ndihmë të të ashtuquajturës veprimtari kriminale e drejtuesve të UÇK-së në territorin e Republikës së Shqipërisë”. Po ashtu,Konferenca vendosi zhvillimin e seancave plenare me datat 3, 10 dhe 17 dhjetor 2020. Kryetari i Kuvendit, z. Gramoz Ruçi, njoftoi Konferencën se në përgjigje të kërkesës te Komitetit Teknik te Ekspertëve “Për ndalimin e grumbullimeve në vende të mbyllura apo të hapura”, nuk cenon aktivitetin e Kuvendit për zhvillimin e seancave plenare. Seancat plenare duhet të zhvillohen duke ruajtur rregullat e distancimit social dhe mundësisht të kenë kufizime në kohëzgjatje, cka do te thote qe seancat do të jene maksimumi tre ore.