Shefi i deputetëve të Aleancës për Ardhmërinë e Kosovës, Besnik Tahiri, ka ngritur alarmin se bashkëpunimi i kryeministrit të vendit, Albin Kurti, me homologun e tij në Shqipëri, Edi Rama, është në nivelin më të ulët Duke komentuar deklarartën e Ramës i cili ka bërë të ditur se u ka dorëzuar ndërkombëtareve një draft të Asociacionit të komunave me shumicë serbe, Tahiri ka thënë se ky plan nuk duhet paragjykuar. Sipas tij, fakti që Kurti nuk ishte në dijeni të këtij drafti, tregon sa të acaruara janë marrëdhëniet mes dy liderve. Tahiri: Aleanca nuk e di çfarë përmban drafti i Ramës por nuk duhet të paragjykojmë "Ne si Aleancë nuk e dimë se çfarë dokumenti është, rrjedhimisht ky është një dokument konfidencial, një komunikim i kryeministrit Rama me media, rreth një teme e cila lidhet drejtpërdrejt me organizimin e brendshëm të Kosovës. Nuk e dimë cili është komunikimi mes Qeverisë së Kosovës dhe Qeverisë së Shqipërisë. Çka dimë është se do të ndodhë një mbledhje në mes dy qeverive në Gjakovë shpejt dhe aty do të saktësohet. Qëndrimi jonë është shumë i thjesht, e parë në parim diçka qe vjen prej presidentit të Shqipërisë, ai e ka pasur një deklarim për gjendjen në veri, diçka që vjen prej shtetit amë, jo domosdoshmërisht duhet të merret edhe me u paragjyku si gjykim i keq. Detyrat e qeverisë janë detyra të vendit, te cilat duhet t'i ushtrojë qeveria, e qeveria jonë nuk po i ushtron”, ka thënë Tahiri.